Д. Цэрэнбат

М.Мөнхзоригт дүүгийнхээ  Монгол улсын Соёлын Тэргүүний Ажилтан  цол хүртсэнд зориулан тэрлэлээ Эр бор харцага нь Жигүүрэндээ хүчтэй л байна уу даа Идэр залуу насанд нь Даанч ажигч үгүй явлаа л билүү дээ Ай хөөрхий алдрай мину зээ... ...Түүнтэй элдвийг хүүрнэж, ажил хэрэг хамтран хийж суухад энэ дуу санаанд эрхгүй буудаг. Тэр цоглог, эрчтэй, өөртөө итгэлтэй, түүнээс залуу насны цалгисан ааг элч төөнөнө.

Үйл хэргийг тойрон нэгдвээс нягтран батжих нь элбэг Үг яриахныг тойрон нэгдвээс тарж сарних нь элбэг Үүний учир бага ярьж ихийг хийцгээ

Холын хэргийн тушаа  үгс  Ойрын бодолтоноос төрөх нь гачилантай  Хотлын үйлсэд садаа үгс  Өөрийгөө үл мэдэгчээс унах нь тээртэй 

Намрын навчис тасрах бүрт нас богиныг ухаар Хаврын навчис нахиалах бүрт үйлс мөнхийг сана Өөрөөр бүгд дуусах мэт бүү атгаг авирла Өнөд дэлгэрэх сайханы төлөө гэгээн амьдар

Өөрийн зорилготой бай, хүрэхийн төлөө шантралгүй зүтгэ Өрөөлтэй зохицож амьдар, ойлголцохын төлөө уйгагүй хичээ

Туршлагаар мэдэрсэн бүхнийг өвлүүлж болдоггүй Дурсамжаар хоногшсон бүхнийг орлуулж болдоггүй

Юмс бүхний шалтгаан би Ерөөс өөрийгөө л шинж

Үндэсний бахархал гэгч иргэн хүний зүрх сэтгэлд шингэсэн зөв үйлийнх нь ундарга хүч болж байхаас амтай бүхэн цэцэрхэж, арчаагүй явдлаа нуух арга хэрэгсэл биш байгаасай

Британийн Монголчууд сар шинээ нэгдсэн байдлаар тэмдэглэдэг болоод 5 дах жилээ угтаж буй. Энэ жилийн золголтын маань өвөрмөц онцлог нь Ажаа Гэгээн Англид саатаж таарсан ерөөлт тохиол. Шигтгээ: Сан Францискод суугаа Ш.Баатар андын буянаар гэгээнтэнтэй эчнээ танил болсноос(“Цагийг билэгдэгч наран чөлөө” намтар номынх нь Гутгаар бүлгийг Баатар андын хүссэнээр чадан ядан Монголчилж) хойш хоёронтоо нүүр учирч, цөөнгүй жил сэтгэлийн холбоос алдалгүй явсаар энэ оны эхээр 2 сар Оксфордод ном айлдахаар ирэх болсныг нь дуулж гэгээнтэнтэй ойрхон хамтарч ажилладаг Америк дах Монгол Соёлын Төвийн тэргүүн М.Саруул Эрдэнэ андаар дамжуулан уулзах хүсэлтээ хүргэв. Ирснийх нь дараахан Оксфордод суудаг Монголчуудын Холбооны Д.Онолмаагаар дамжуулан амар мэндийг нь эрж Британийн Монголчуудын сар шинийн арга хэмжээнд морилж Монголчуудтайгаа золгон, айлдвар айлтгахын хамт ном хурж өгөхийг хүсэхэд ихэд уриалгахан хүлээн авсан байлаа. Удалгүй элчин зөвлөх Г.Ганболд нарын хамтаар гэгээнтэй биечилэн з...

Бодолд хургах муу муухайг умартан зайлуулая Болж бүтэхийн сайн сайхныг дуудан залбирая Өөрсдөө ямагт гэгээн сэтгэлийг чандлан эрхэмлэе Үрс хойчдоо балчир нялхаас нь зөв сэтгэлийн үр суулгая

Их Британид ажиллах бүрэн эрхийнхээ хугацаагаа дуусган АНУ-д суухаар мордож буй Б. Алтангэрэл сайдаа бидний хэдэн нөхөд саяхан гаргаж өгсөн юм.  Холдон салахын цагт дурсан санагалзаж төр засгаасаа дараагийн даалгавараа аваад мордсон сайдынхаа талаар хэдэн үг бичмээр санагдав. Тэрээр 9  хүүхэдтэй айлын эрэгтэйгээс хамгийн том нь, 15 настайдаа өнчирч хоцрон хэдэн дүү нараа ээж, эгч нарынхаа хамт өсгөж ажил амьдралд нь залгуулсан нэгэн гэдгийг танилцсанаасаа нилээд хожуу мэдсэн билээ. “Хамгийн бага дүү маань ээжийн хэвлийд байхад аав маань өнгөрсөн юм. Ээжтэйгээ хэдэн дүү нараа ном эрдэмтэй, зөв хүн болгож өсгөх гэж зүтгэсээр би эрт хэршүүжсэн байх.  Манайхан Ховдын сургуулийн бахархал болсон сурлага сайтай хүүхдүүд байлаа даа. Манай гэрээс 4 нь алтан медальтай төгсөж байсан шүү” хэмээн дурсдаг. Сайдын удам угсааны талаар аав нь Завханых, ээж нь Говь-Алтайнх, Монголын тусгаар тогтнолын төлөө тэмцэж явсан шашин төрийн нэртэй хүний уда...

Бодол сэтгэлээ нээлттэй байлга, болзол төсөөллөөр бүү хүл Буруугийн угт зөвийн учиг байдгийг тунгаа Бултаар зөвтгөх зүйлч буруудаж болдгийг сана Үнэний төлөө гэж бүү хашгир Өөрөө тэр чинь байнга хувирч байдгийг ухаар Эргэлдэж байдаг шигээ бөөрөнхий энэ хорвоод Эргэлзэх хэрэггүй дээ,  өнөөдрийн үнэн маргаашийн худал болдогт бүү гайх "Би, чи" хэмээн тулга тойрон бүү маргалд Битүүхэндээ харин үйлийн үр бий гэдэгт л итгэчих

Хов живийн яриаг зөв сонсож сур Холын сайн явдлын жор болгож сур

Имрэгдэм бүхэн дуусах хязгаартай Их ч байлаа арвилан зараарай Оюунлаг бүхэн ундрах нигууртай Бага ч байлаа дэвэргэн дэмнээрэй