Д. Цэрэнбат

Их шуурга гэнэт эхэлдэггүй Их хэрэг гэнэт өрнөдөггүй ,,,, Нилэнхүйг татахад шалтгаан ганцаардана Нэг хоёр үг мөхөсдөнө Бүлгийг эхэлж бүрдүүл Бүгдээр зорилгодоо шингэ Хатгахад үл цочих итгэлцлийн хана босго Хальтрахад эргээд босох сэтгэлийн тэнхээ суу Яршигтай зүйлс жамаараа л ундрана Яг эмнэх сургааль аль ч номонд үгүй... Нааш хандах итгэл бүрийг тат Цааш одох бодол бүхнийг хүлц Олныг татах нь олныг татахаас эхлэнэ Онцолж "ингэ" гэсэн жор хаана ч байхгүйг сана ,,,, Их шуурга гэнэт эхэлдэггүй Их хэрэг гэнэт өрнөдөггүй

Өсөх насанд үг сонсож сурах Өрнөх насанд өөрийгөө эс хуурч сурах Өтлөх насанд үгээ цэнэж сурах

Юм болгоныг гайхан бахад. Юутай үл давтагдам бэ хэмээн хөөрөн баяс Ерөөс аливаад бүү цочирд. Ертөнцийн жам тийм юм хэмээн амгалан орш

Язгуурын буруугүй л байтугай Явдлын бурууг засаж болно Сэтгэлийн ариуслыг л хичээтүгэй Сэрэмжгүйн алдааг засаж болно

90-ээд оны сүүлээр монголчуудын дунд ихэнхдээ эдийн засгийн зорилготойгоор гадаад орныг зорих “хөдөлгөөн” өрнөсөн. Хилийн чанад дахь Монголчууд гэгдэх хэсэг бүлэг үүссэн хийгээд яригдах болсон эхлэл тэр. Өдгөө 200 орчим мянган Монголчууд хилийн чанадад ажиллаж, суралцаж байна гэгддэг. Энэ 20 орчим жилийн хугацаанд хилийн чанад дахь монголчуудын хүсэл тэмүүлэл, тэдний өмнө тулгарах асуудлууд ямар байж ирснийг, төр засгийн зүгээс ямар бодлого чиглэл байсан, тэр нь өдгөө ямар байдалтай байгаа талаар ажиглаж анзаарснаа өөрт буй мэдээлэл дээр тулгуурлан нэгтгэж хураангуйлав. Бэлэн буй мэдээллээс шалтгаалан өнгөрсөн үйл явдлуудын хувьд ихэнхдээ цахим өртөө сүлжээ, холбооны үйл ажиллагааг түшиглэн бичсэнийг мөн дурдая. 2010 оноос төрийн зүгээс хөтөлбөр боловсруулж тодорхой ажлуудыг хийж эхэлсэн ч төр, тэр бүү хэл төрийн нэг албан хаагч солигдох бүр хилийн чанад дахь монголчуудтай холбоотой төрийн бодлого түүнийг хэрэгжүүлэх тогтолцоонд өөрчлөлт орох болсныг анхаарч одоо нэгэнт бүрдээ...

Алсын замд зоригч довонд бүдрэхээ эс тооно Айлын хооронд шогшигч довоо эргүүлж өшиглөнө

Урьтаж харж сэргийлж чадаагүй бол Улирч өнгөрсөн явдлын хойноос Уулгалан сүржигнээд хожих нь бага даа Ухаж тунгааж шалтгааныг таньж Урдах үйлийнхээ хөрс болговол Угтаа тэр л олз мөн Бодлын дусал

Хөгжил гэдэг хөдөлгөөн, зогсож болохгүй Хөгжил гэдэг чиглэлтэй, ухарч болохгүй Хөгжил гэдэг үе шаттай, үсэрч болохгүй Хөгжил гэдэг шалгууртай, шантарч болохгүй Бодлын дусал

Болж өнгөрсний дараа болохгүйг яригсдад Нар гарахаар халууцлаа гэх, нимгэлж байх нь яасан юм. Үүл дайрахаар даарлаа гэх, зузаалж байх нь яасан юм

Оролцож/оролдож буй юм бүхэндээ Ойшоож сэтгэлээсээ л ханд Магад цагийн уртаас эргэн харахад Мадаггүй чухлыг бүтээлцсэн л байх вий Бодлын дусал

Эдгэрч аниагүй шархаа бүү оролд, өвчин нь л сэдрэнэ Эргэж засагдахгүй шаналалыг бүү сэрээ, зовлон л нэмэгдэнэ

Өнгө нь сааралтсан эл хорвоод "Үнэнийг би бүгдийг өчье!" гэгсэд Өөрөө түүнийхээ нэг л талд нь буйгаа зөвшөөр Өрөөл бусад ч анзаарч ойлго, амгалан орш (Cонгуулын солиорлыг хараад сонин сонин бодлууд төрөх юмаа  :)  )

Үг, Өнгө, Ая аваас Оюун бодол, зүрх сэтгэлийн өгөөш Утгыг задлах,Өнгийг таних, Аяанд хөглөгдөхийн хязгаарыг Ухааны гүн, сэтгэлийн тэнүүн мэднэ

Зөв бэлчээрт цагт нь хүргэвэл мал өснө Зөв мэдээлэл цагт нь хүргэвэл хүн татна

Хайрга чулуу зүггүй шидвэл толгой хагална Хатуу үг бодлогогүй хэлбэл эв хагална

Юм бүхний учрыг олох гэж ам болгоныг бүү сонс Ерөөс өөрийгөө л гэгээрүүл, унш, бод,  Eртөнцийн учир шалтгаан тэнд бий

Өнгөрснийг магтаж өнөөг муулах нь зөнөн буйн шинж Өнөөг магтаж өнгөрснийг муулах нь гэнэн буйн шинж Өгөөмрөөр сэтгэж өмнөхөө хичээнгүйл. сэргэж мандахын шинж