Гэм бүрт эзэн хайж бүү хагаралд, цаг алдахын нэмэр
Гэсгээх эсэхийг нь түүхийн цаазанд даатгамaap
Хэн ч байсан буруутан болж өсөх тэр орчныг л харин
Хэтрүүлэлгүй өнөөдрөөс шинжлэн ойлгож, эвлэн засмaap

Чиг суваггүй ус урсгавал шалбааг л болох вий 

Цэгц баримжаагүй олныг хөөрөгдвөл үймээн л болох вий

Уншиж, бодож, бичиж оюунаа шавхахаас хойш суун нийтийн сүлжээний давалгаанд хөвөх тос өөх, давс чихрийг ихээр хаман, шунан, донтон хүртэж оюуны хэт таргалалтад автаж буй нь бидний эс сэргэн мандахын нэгэн эх үндэс байх даа

Зөвийг тэр буруу илэрхийлсэн байж мэднэ
Зөнгөөрөө үр нь гэрэлтэнэ, хүлээцтэй л бай
Бурууг тэр булхайцан нуусан байж мэднэ, 
Бултах аргагүй уршиг нь илрэнэ, хүлээцтэй л бай