Tuesday, March 19, 2019

Мэдэж ухаарахын хэрээр үнэн үл гүйцэгдэм тэлнэ, 
дуун намсана, бодрол гүнсэнэ, эвийг хичээнэ
Мунхаглаж тэнэглэхийн хэрээр үнэн алганд эвхэгдэм багасна, 
тунгаал хомсроно, хэлэмгий ихсэнэ, түрэмгий сагана

Tuesday, October 16, 2018

Давс дангаараа хоол болохгүй
Үг ганцаараа үнэнийг хэлэхгүй

Monday, September 17, 2018

Надад атмаан байснаа, нанчилдаж нүдэлдэж явснаа битгий яриарай.
Чихэнд чийртэй сонсогддог
Надад уншсан номынхоо ойлгосон утгыг дэлгэрүүлэн яриарай.
Чихэнд чимэгтэй сонсогддог
Чимх төдийг олж мэдээд далай мэт чалчигчдыг яалтай 
Чиний тухай тал үг сонсоод үзмэрч мэт бурагсдыг яалтай
"тэр ер нь тийм байх, энэ ер нь ингэсэн байх" гэдэгт тулгуурлан "тэгэхээр ер нь тэгсэн байж таараа" хэмээн дүгнэж хардан бухимдацгаах. "Байх" гэдэг үгээр төгсөх санаа баталгаа нэхдэггүй аксиом биш шүү дээ. "Байх"-аар тархины хоол хийхээ больчихвол ч...!!! 
Юм унш л даа. Тунгаан бод л доо.

Сэтгэл тань гэгээнээр оргилог 
Сэрэмжгүйн сүүдэрт бүү автаг