Хөрс хэдий шимтэй ч арчлал үгүй бол зэрлэгт идэгдэх
Хүн хэдий ухаантай ч хичээнгүй бус бол самуунд идэгдэх

Явгарч үзээгүй хүн өгсүүр уруугийн мэдрэмжгүй
Ядарч үзээгүй хүн өөдлөх уруудахын мэдрэмжгүй

Ходоод сайт хоол шингээнэ
Ухаан сайт үг шингээнэ

Хүмүүн бээр эрх мэдэл нь тэлэх бүр энэрэнгүй байх шидийг олоосой!

Бодол мөрөөдлийн, Үг ярианы, Үйл ажлын, Өрөөлийн үнэлэмжийн хэмээх нэг нэгнээ дэмнэсэн бас үгүйсгэсэн олон амьдралын огтолцол дунд би оршино...Яавал??..

'Магадгүйг' ярих хүнтэй бодлоо дэлгэн хэлцмээp
'Мадаггүйг' тулгах хүнтэй амаа жимийж суумaap

Анх өөрөөрөө л ирнэ, цагаан цаас ч юм шиг
Амьдралын уртад өөрийгөө хайж өчнөөн бэдрэнэ, эрээчсэн цаас ч юм шиг
Алсран одохдоо өөртөө л шингэнэ, уусгадаг цаас ч юм шиг