Monday, January 08, 2007

Мартагдах уу - Дурсагдах уу

Ойрд цаг зав тун бага тул шинэ юм бичиж оруулж эс амжих янзтай. Орж гарч байгаарай гэж гэр босгочихоод ирсэн зочид гийчдээ дайлахгүй ханхай оргиулан суухаар сэтгэл өвдөх. Ямартай ч бодол сэтгэлийг минь толидон блогоор маань зочилогч таныг богц хоосон буцаахгүйн тулд бор авдараа ухан урьд өмнийн зүйлсээсээ дэлгэн сонирхуулж сууя.

Нэгэн 4 мөрт.

Амиа хичээж амьдарвал сүнсээ зайлахын хамт чи мартагдана
Ахан дүүсдээ ээлтэй амьдарвал ам дамжин 3 үе чи яригдана
Ард түмэндээ бүхнээ зориулваас Та мөнхөд дурсагдана
Ай тэгээд хэрхэн амьдрах нь хүн таны хэрэг, хувь заяаны зураг аа

1992 он Улаанбаатар хот

Санаа олдох шалтгаан гэж сонин. Идэр залуу, цаг завтай ахуйд өөрөөсөө янз бүрийн асуулт асууж өөрийнхөөрөө хариулт олох гэж түүнийгээ товчхоноор буулгах гэж их оролддог байлаа.

Тэгээд "Хүний амьтнаас ялгагдах онцлог юу вэ?" гэж нэг удаа бодоод тэр бодол маань явсаар "хүн л ер нь мөнхрөхийн тухай боддог амьтан юмсанж" гэж тунгаав. Мардагдах уу Яригдах уу Дурсагдах уу гэсэн 3 санаа олов. Ингээд эл 4 мөртөөр уг санаагаа хэлсэн ухаантай. Бас бурууг үйлдээд мөнхрөхийг хичээгч байдаг ч тэр санааг эс дэвэргэсэн болно

No comments: